♾️
ഉത്തരേന്ത്യൻ സംസ്ഥാനങ്ങളിൽ കൊടും ശൈത്യം തുടരുന്ന സാഹചര്യത്തിൽ ഡൽഹിയിൽ സ്കൂളുകളുടെ ശൈത്യകാലാവധി നീട്ടി. ജനുവരി 15 വരെ സ്കൂളുകൾ അടച്ചിടുന്നതിനാണ് ഡൽഹി സർക്കാരിന്‍റെ നിർദേശം. ഡൽഹിയിലെ സ്വകാര്യ സ്കൂളുകളുടെ അവധി തിങ്കളാഴ്ച അവസാനിക്കുന്ന സാചര്യത്തിലാണ് സർക്കാരിന്‍റെ നിർദേശം. അതേസമയം ഡൽഹിയിൽ പുക മഞ്ഞിന്‍റെ സാന്ദ്രത വർധിച്ചത് ഗതാഗത സംവിധാനങ്ങൾ താളം തെറ്റുന്നതിന് കാരണമായി.
♾️
കെഎസ്ആർടിസിക്ക് ആശ്വാസമായി സുപ്രിംകോടതി ഉത്തരവ്. ബസുകളിൽ പരസ്യം പതിക്കാമെന്ന് കോടതി വ്യക്തമാക്കി. പരസ്യം പതിക്കരുതെന്ന ഹൈക്കോടതി ഉത്തരവ് തടഞ്ഞ് സുപ്രിം കോടതി. കെഎസ്ആർടിസിക്ക് ബാധ്യതയുണ്ടാകുമെന്ന വാദം പരിഗണിച്ചാണ് സുപ്രിം കോടതി നടപടി.
♾️
സംസ്ഥാനത്ത് സ്വര്‍ണവില ഈ മാസത്തെ ഏറ്റവും ഉയര്‍ന്ന നിരക്കില്‍. ഇന്ന് ഒരു പവന്‍ സ്വര്‍ണത്തിന് 240 രൂപ ഉയര്‍ന്നു. ശനിയാഴ്ച 320 രൂപയുടെ വര്‍ദ്ധനവ് ഉണ്ടായിരുന്നു. ഇതോടെ 41,000 ന് മുകളിലായി സംസ്ഥാനത്തെ സ്വര്‍ണവില. ഒരു പവന്‍ സ്വര്‍ണത്തിന്റെ ഇന്നത്തെ വിപണി വില 41,280 രൂപയാണ്. ഒരു ഗ്രാം 22 കാരറ്റ് സ്വര്‍ണത്തിന്റെ വില 30 രൂപ ഉയര്‍ന്നു. ശനിയാഴ്ച 40 രൂപ ഉയര്‍ന്നിരുന്നു. ഇന്നത്തെ വിപണി വില 5160 രൂപയാണ്. ഒരു ഗ്രാം 18 കാരറ്റ് സ്വര്‍ണത്തിന്റെ വിലയും ഉയര്‍ന്നു. 25 രൂപയാണ് ഉയര്‍ന്നത്. ഒരു ഗ്രാം 18 കാരറ്റ് സ്വര്‍ണത്തിന്റെ വിപണി വില 4265 രൂപയാണ്.
0 Comments