കൊയിലാണ്ടി പോലീസ് പെൻഷനേഴ്സ് വെൽഫെയർ അസോസിയേഷൻ ധർണ നടത്തി.

കൊയിലാണ്ടി: കേരള സ്റ്റേറ്റ് പോലീസ് പെൻഷനേഴ്സ് വെൽഫെയർ അസോസിയേഷൻ കൊയിലാണ്ടി സർക്കിൾ കമ്മിറ്റി സബ് ട്രഷറിയിലേക്ക് മാർച്ചും ധർണയും നടത്തി. ശമ്പള പരിഷ്കരണ കുടിശ്ശിക പെട്ടെന്ന് അനുവദിക്കുക, മെഡിസെപ്പ് കുറ്റമറ്റതായി പരിഷ്കരിക്കുക, ട്രെയിനിങ് പിരീഡ് സർവീസായി പരിഗണിക്കുക തുടങ്ങിയ ആവശ്യങ്ങളുന്നയിച്ചായിരുന്നു സമരം. 

                   കേരള പോലീസ് അസോസിയേഷൻ മുൻ സംസ്ഥാന പ്രസിഡൻ്റ് പി.ടി. ശശിധരൻ ഉദ്ഘാടനം ചെയ്തു.

യൂണിറ്റ് പ്രസിഡൻ്റ് വി. ദിനേശൻ  അധ്യക്ഷനായി. കെ.കെ. വേണു, മഠത്തിൽ രാജീവൻ, പി.വി. രാജൻ, പി.പി. ബാലചന്ദ്രൻ, എം.ടി. ഭാസ്കരൻ, കെ.സി. രാജൻ, എം.എ. രഘുനാഥ്, എ.കെ. ദാമോദരൻ നായർ, കെ.കെ. വാസു, എം.എം. പരമേശ്വരൻ എന്നിവർ സംസാരിച്ചു.