കലാകിരീടം ആർക്ക്; തിരശ്ശീല വീഴാൻ ഒരുനാൾ ബാക്കി നിൽക്കെ കിരീടത്തിനായി ഇഞ്ചോടിഞ്ച് പോരാട്ടം.

കോഴിക്കോട് (നാദാപുരം): കാലിക്കറ്റ് സർവകലാശാല ബി സോൺ കലോത്സവം  നാലാം ദിവസത്തെ മത്സരം അവസാനത്തിലേക്കടുക്കുമ്പോൾ ഒന്നാം സ്ഥാനത്തിനായി ഇഞ്ചോടിഞ്ച് പോരാട്ടം.

സെന്റ് ജോസഫ്സ് കോളേജ് ദേവഗിരിയും, ഫാറൂഖ് കോളേജ് കോഴിക്കോടും തമ്മിലാണ് പോയിന്റ് നിലയിൽ  വാശിയേറിയ മത്സരം നടക്കുന്നത്.

63-മത്സരങ്ങളുടെ ഫലം വരുമ്പോൾ 170 പോയിന്റുമായി ദേവഗിരി കോളേജ് ഒന്നാമതാണ്.

വീറോടെ വാശിയോടെ വിട്ട് കൊടുക്കില്ലെന്ന് ഉറപ്പിച്ച് 165- പോയിന്റ്റുമായി ഫാറൂഖ് കോളേജ് രണ്ടാമതുണ്ട്. 61 പോയിന്റുമായി സാമൂതിരി ഗുരുവായൂരപ്പൻ കോളേജുമാണ് മൂന്നാമതുള്ളത്.

അവസാന ദിനമായ നാളെ ഒപ്പന, മാപ്പിളപ്പാട് ഗ്രൂപ്പ്‌, തിരുവാതിര തുടങ്ങിയ ജനപ്രിയ ഇനങ്ങൾ നാളെ നടക്കാനുള്ളതിനാൽ  പോരാട്ടം പ്രവചനാതീതമാണ്.