കലോത്സവ വേദിയിൽ ഗോത്രകലകൾക്ക് പ്രിയമേറുന്നു.

തിരുവനന്തപുരം:കേരള സംസ്ഥാന സ്കൂൾ കലോത്സവത്തിൽ ആദ്യമായി ഉൾപ്പെടുത്തിയ ഗോത്ര കലാരൂപങ്ങളാണ് മലയപ്പുലയ ആട്ടം, മംഗളം കളി ,ഇരുള നൃത്തം ,പണിയ നൃത്തം തുടങ്ങിയവ.

ഗോത്ര കലകൾ സംസ്ഥാന സ്കൂൾ കലോത്സവത്തിന്റെ ഭാഗമാക്കണമെന്നുള്ള വർങ്ങളായുള്ള ആവശ്യത്തിന് ശേഷമാണ് ഗോത്രകല കൾ കലോത്സവത്തിന്റെ ഭാഗമാക്കിയത്.

 അഞ്ചു ഗോത്ര കലാരൂപങ്ങൾ  ഈ വർഷത്തെ കലോത്സവത്തിൽ ഉൾപ്പെടുത്തിയിട്ടുണ്ട്.

ഇത്തരത്തിലുള്ള നാടൻ കലകൾക്ക് കൂടുതൽ കരുത്തേകുന്നതിനായി തുടങ്ങിയ സ്ഥാപനമാണ് വയനാട്ടിൽ കഴിഞ്ഞ 15 വർഷമായി  കൽപ്പറ്റ കേന്ദ്രീകരിച്ച് പ്രവർത്തിക്കുന്ന  ഉണർവ് നാടൻകലാ പഠന കേന്ദ്രം. രമേശ് ഉണർവിന്റെ നേതൃത്വത്തിലാണ് ഈ സ്ഥാപനം പ്രവർത്തിക്കുന്നത്. 

കേരളത്തിലെ തനത് ഗോത്ര കലകളും പാട്ടുകളും പരിശീലിപ്പിച്ചു മറ്റുള്ളവരിലേക്ക് പകർന്നു നൽകുക എന്ന ലക്ഷ്യത്തോടെ തുടങ്ങിയ സ്ഥാപനമാണിത്. കേരളത്തിൽ അങ്ങോളം ഇങ്ങോളമുള്ള വേദികളിലായി ഉണർവിന്റെ നേതൃത്വത്തിൽ തനത് ഗോത്ര കലാരൂപങ്ങൾ അവതരിപ്പിക്കാറുണ്ട്.

കലോത്സവത്തിൻ്റെ ഭാഗമായി ഉൾപ്പെടുത്തിയ ഓരോ ഗോത്ര കലാരൂപങ്ങളും കേരളത്തിലെ ഒരു പ്രദേശത്തെ പ്രത്യേക വിഭാഗത്തിന് ഇടയിൽ നിലനിൽക്കുന്നവയാണ്.

അതിനാൽ കേരളത്തിൽ അങ്ങോളമിങ്ങോളമുള്ള സ്കൂളിലെ വിദ്യാർഥികൾക്ക് പരിശീലനം നൽകുന്നത് ശ്രമകരമായ കാര്യം ആയിരുന്നതിനാൽ  ആണ് ഇത്തരം തന്നത് നാടൻ കലാ കേന്ദ്രങ്ങൾ വഴി പരിശീലനം നൽകി വരുന്നത്.

കഴിഞ്ഞ ദിവസങ്ങളിലായി നടന്ന മംഗളം കളി പണിയ നൃത്തം തുടങ്ങിയ മത്സരയിനങ്ങളിൽ ഉണർവ് നാടൻ കലാകേന്ദ്രം പരിശീലനം നൽകിയ വിദ്യാർഥികൾക്ക് A ഗ്രേഡ് നേടാൻ സാധിച്ചിരുന്നു. കേരളത്തിൽ ആറ് ജില്ലകളിലായി ഏതാണ്ട് 164 വിദ്യാർത്ഥികൾക്ക് പരിശീലനം നല്കി മത്സരത്തിനിറക്കിയിട്ടുണ്ട്.