"കുടുംബശ്രീ ഒരു നേർചിത്രം" ഫോട്ടോഗ്രാഫി മത്സരത്തിൽ അനുഷ മോഹന് ഒന്നാം സ്ഥാനം.

കോഴിക്കോട്: കുടുംബശ്രീ സംസ്ഥാനതലത്തിൽ നടത്തിയ ഫോട്ടോഗ്രാഫി മത്സരത്തിൽ ഓക്സിലറി വിഭാഗത്തിൽ പയ്യോളി നഗരസഭ 18-ാംഡിവിഷനിലെ അനുഷ മോഹൻ ഒന്നാം സമ്മാനം നേടി , 25,000 രൂപയും ട്രോഫിയും പ്രശസ്തി പത്രവുമാണ്

സമ്മാനം. കുടുംബശ്രീ വിവിധ പ്രവർത്തനങ്ങൾ വിഷയമാക്കിയാണ് നേർച്ചിത്രമെന്ന ഫോട്ടോഗ്രാഫി മത്സരം സംഘടിപ്പിച്ചത് . 

         അത്യുഷ്ണസമയത്ത് കാർഷിക പരിപാലനത്തിൽ ഏർപ്പെട്ട കുടുംബശ്രീ പ്രവർത്തകയായ കർഷകയെ പേരാമ്പ്ര  കൂട്ടുകൃഷി വിളനിലത്തിൽ വിളനിലം പശ്ചാത്തലത്തിൽ എടുത്ത ഫോട്ടോയ്ക്കാണ് ഒന്നാം സമ്മാനം ലഭിച്ചത്. 

           കമ്പ്യൂട്ടർ സയൻസിൽ ഡിഗ്രി ക്കുശേഷം ഉപരി പഠനത്തിലേർപ്പെട്ട അനുഷ പാഷനായി ചിത്രരചനയും ഫോട്ടോഗ്രാഫിയും ഒപ്പം കൊണ്ടുപോകുന്നു . ഓക്സിലറി വിഭാഗത്തിലെ ചിത്രരചനയിലും ഒന്നാം സമ്മാനം നേടിയിട്ടുണ്ട് . ദുബായിൽ മീഡിയയിൽ ഫോട്ടോഗ്രാഫറായി ജോലിചെയ്യുന്ന അച്ഛൻ മോഹൻ പയ്യോളിയാണ് ചിത്രം വരയിലും ഫോട്ടോ ഗ്രാഫിയിലും അനുഷയുടെ ഗുരു. അമ്മ സുധ. അനുജൻ അഷിന്‍ മോഹൻ