പന്തലായനി ഗവ. ഹയർ സെക്കൻഡറി സ്കൂളിൻ്റെ 64-ാം വാർഷികാഘോഷവും അധ്യാപകർക്കുള്ള യാത്രയയപ്പും “മൽഹാർ” സംഘടിപ്പിച്ചു.

കൊയിലാണ്ടി: പന്തലായനി ഗവ. ഹയർ സെക്കൻഡറി സ്കൂളിൻ്റെ 64-ാം വാർഷികാഘോഷവും അധ്യാപകർക്കുള്ള യാത്രയയപ്പും “മൽഹാർ ” സംഘടിപ്പിച്ചു. എഴുത്തുകാരൻ കെ പി രാമനുണ്ണി ഉദ്ഘാടനം നിർവഹിച്ചു. പിടിഎ പ്രസിഡണ്ട് പി എം ബിജു അധ്യക്ഷനായി. പ്രശസ്ത പിന്നണിഗായകൻ നിധീഷ് കാർത്തിക് ചടങ്ങിൽ സംബന്ധിച്ചു.

വിരമിക്കുന്ന അധ്യാപികമാരായ സിപി സഫിയ ടീച്ചർ, വസന്ത ടീച്ചർ എന്നിവർക്കുള്ള ഉപഹാര  സമർപ്പണം നഗരസഭ ചെയർപേഴ്സൺ സുധാ കിഴക്കേപാട്ട് നിർവഹിച്ചു. നഗരസഭ ഉപാധ്യക്ഷൻ അഡ്വ: കെ സത്യൻ ആദരഭാഷണം നടത്തി. സ്കൂൾ പ്രിൻസിപ്പൽ ബീന ടീച്ചർ സ്വാഗതവും പ്രോഗ്രാം കമ്മിറ്റി ചെയർമാൻ ഡോക്ടർ പി കെ ഷാജി മാസ്റ്റർ നന്ദിയും പറഞ്ഞു.