കാഞ്ഞിലശ്ശേരി ശിവരാത്രി മഹോത്സവം കൊടിയേറി.

കൊയിലാണ്ടി: ചേമഞ്ചേരി കാഞ്ഞിലശ്ശേരി മഹാശിവക്ഷേത്രത്തിലെ ശിവരാത്രി മഹോത്സവത്തിന് കൊടിയേറി. ശനിയാഴ്ച രാത്രി നടന്ന കൊടിയേറ്റത്തിന് തന്ത്രി മേൽപ്പള്ളി മന ഉണ്ണിക്കൃഷ്ണൻ ഭട്ടതിരിപ്പാട് മുഖ്യകാർമ്മികത്വം വഹിച്ചു. കാലത്ത് ശിവനാമജപം, കലവറ നിറയ്ക്കൽ,

ഇന്ന് വൈകിട്ട് യുവ പ്രതിഭാ സംഗമം, 'ഗാനഗംഗ' ഭക്തിഗാനാർച്ചന എന്നിവ നടന്നു. നാളെ രാവിലെ 6.30 ന് മാണി നീലകണ്ഠ ചാക്യാർ അവതരിപ്പിക്കുന്ന മത്തവിലാസം കൂത്ത് സമാരംഭം, മഹാദേവന് ചെമ്പോല സമർപ്പണം, ഗാനാഞ്ജലി, രാത്രി പഞ്ചാരിമേളം അരങ്ങേറ്റം, സന്തോഷ് കൈലാസിൻ്റെ തായമ്പക, നൃത്ത നൃത്യങ്ങൾ,ക്ലാസ്സിക്കൽ സ്കൂൾ ബാലുശ്ശേരി അവതരിപ്പിക്കുന്ന നൃത്ത രാവ്, 23 ന് കുന്നി മഠം ഭജന സംഘത്തിൻ്റെ ഗാനാമൃതം, ആഘോഷ വരവുകൾ, കലാമണ്ഡലം ഹരിഗോവിന്ദ്, സദനം അശ്വിൻ മുരളി എന്നിവരുടെ ഇരട്ടത്തായമ്പക, നടരാജ നൃത്ത വിദ്യാലയം അവതരിപ്പിക്കുന്ന

നൃത്ത പരിപാടികൾ 'നടനം', 24ന് ഓട്ടൻതുള്ളൽ, കാഞ്ഞിലശ്ശേരി പത്മനാഭൻ്റെ തായമ്പക, ഗാനമേള, 25ന് രാവിലെ കൈതപ്രം ദാമോദരൻ നമ്പൂതിരി,ആലങ്കോട് ലീലാകൃഷ്ണൻ, പന്തളം കൊട്ടാരം കാര്യദർശി നാരായണ വർമ്മ, സാമൂതിരി രാജയുടെ മകൾ മായാഗോവിന്ദ് എന്നിവരുടെ സാന്നിധ്യത്തിൽ പിന്നണി ഗായകൻ ജി. വേണുഗോപാലിന് മൃത്യുഞ്ജയ പുരസ്കാര സമർപ്പണം,

ക്ഷേത്രത്തിന്റെ സമഗ്ര നവീകരണ കർമ്മരേഖയുടെ പ്രകാശനം, സമൂഹസദ്യ, വൈകിട്ട് മലക്കെഴുന്നെള്ളിപ്പ്, ഭക്തിഗാനാമൃതം,

ചൊവ്വല്ലൂർ മോഹനന്റെ പ്രമാണത്തിൽ 60 വാദ്യകലാകാരന്മാർ അണി നിരക്കുന്ന ആലിൻ കീഴ്മേളം, 26ന് മഹാശിവരാത്രി നാളിൽ ശാസ്ത്രീയ നൃത്താർച്ചന

“ശിവദം”, 6 മണി മുതൽ ശയന പ്രദക്ഷിണം, രാത്രി 2 മണിക്ക് റിജിൽ കാഞ്ഞിലശ്ശേരി, ജീതിൻലാൽ ചോയ്യേക്കാട്ട് എന്നിവരുടെ ഇരട്ടത്തായമ്പക,

27ന് പള്ളിവേട്ട എന്നിവ നടക്കും. 28ന് നടക്കുന്ന കുളിച്ചാറാട്ടോടെ ശിവരാത്രി മഹോത്സവത്തിന് കൊടിയിറങ്ങും.