സുര്യകിരീടം അവാർഡ് മനു മൻജിത്തിന് സമ്മാനിച്ചു.

അത്തോളി :സർക്കാർ തലത്തിൽ ഗിരീഷ് പുത്തഞ്ചേരിയുടെ പേരിൽ അവാർഡ് ഏർപ്പെടുത്തണമെന്ന് സംവിധായകൻ

വി എം വിനു . അത്തോളി ഗ്രാമ പഞ്ചായത്തിന്റെ നേതൃത്വത്തിൽ ഗിരീഷ് പുത്തഞ്ചേരി അനുസ്മരണം സൂര്യകിരീടം-25 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഗിരീഷ് പുത്തഞ്ചേരിയുടെ നാട്ടിൽ നിന്നും പുതിയ ഗാനരചയിതാവ് മനു മൻജിത്ത് കടന്നു വന്നത് ഒരു ചരിത്ര നിയോഗമായി കാണുന്നുവെന്ന് വിനു കൂട്ടി ചേർത്തു. അത്തോളി ഗ്രാമപഞ്ചായത്ത് ഏർപ്പെടുത്തിയ പ്രഥമ

സൂര്യ കിരീടം അവാർഡ് വിഎം വിനുവിൽ നിന്നും ഡോ.മനു മൻജിത്ത് ഏറ്റുവാങ്ങി. ഗ്രാമ പഞ്ചായത്ത് പ്രസിഡൻ്റ് ബിന്ദു രാജൻ അധ്യക്ഷത വഹിച്ചു.

ചിത്രകാരൻ ശ്രീജിത്ത് അത്തോളി നിർമ്മിച്ച ഗിരീഷ് പുത്തഞ്ചേരിയുടെ പ്രതിമ വി.എം.വിനുവിനു സമ്മാനിച്ചു.

 വിവിധ മേഖലകളിൽ പ്രതിഭ തെളിയിച്ച ലീലാവതി , വിനോദ് അത്തോളി , കബനി, അശ്വിനി അജീഷ് ,

സിറിയോന, ശിവ തീർത്ഥ , സീതാ ലക്ഷ്മി എന്നിവരെ അനുമോദിച്ചു. ഗാനാലാപനം മത്സരത്തിൽ വിജയിച്ച കിൻഷ മേപ്പയൂർ, അജിത് പണിക്കർ , മിഥുൻ മോഹൻ കൊയിലാണ്ടി എന്നിവർക്ക് ബീന പുത്തഞ്ചേരി മൊമെന്റോയും ക്യാഷ് അവാർഡും സമ്മാനിച്ചു. ഗ്രാമ പഞ്ചായത്ത്

സ്ഥിരം സമിതി അധ്യക്ഷന്മാരായ ഷീബാ രാമചന്ദ്രൻ , സുനീഷ് നടുവിലയിൽ , എ .എം. സരിത , ഗിരീഷ് പുത്തഞ്ചേരിയുടെ സഹോദരൻ മോഹനൻ പുത്തഞ്ചേരി , കെ .എം .അഭിജിത്ത്, സുനിൽ കൊളക്കാട്, ആർ. ബാബു, ഹരി പനങ്കുറ , അജീഷ് അത്തോളി , ടി.കെ കരുണാകരൻ, എ.എം രാജു, വി.രാജേഷ് കുമാർ എന്നിവർ പ്രസംഗിച്ചു. തുടർന്ന് കലാപരിപാടികൾ അരങ്ങേറി. രാവിലെ ഗിരീഷ് പുത്തഞ്ചേരിയുടെ പ്രതിമയിൽ പുഷ്പാർച്ചന നടത്തി.