കൊയിലാണ്ടി നഗരസഭ ഓഫീസ് കം ഷോപ്പിംഗ് കോംപ്ലക്സ് സെപ്റ്റംബറിൽ പൂർത്തിയാവും.

 കൊയിലാണ്ടി:  നഗരസഭ യുടെ സ്വപ്ന പദ്ധതികളില്‍ ഒന്നായ ഷോപ്പിംഗ് കോംപ്ലക്സ് കെട്ടിടത്തിന്‍റെ നിര്‍മ്മാണം അന്തിമ ഘട്ടത്തിലേക്ക്. ആധുനിക സജീകരണങ്ങളോടുകൂടിയ കെട്ടിടസമുച്ചയം 21-കോടി രൂപ ചെലവിൽ  63,000 സ്ക്വയർ ഫീറ്റിൽ ആറ് നിലകളായാണ്  നിർമ്മിച്ചിട്ടൂള്ളത്. കോഴിക്കോട് എൻഐടി യാണ് കെട്ടിടത്തിന്റെ ആർക്കിടെക്ച്ചർ ഡിസൈൻ ചെയത് പ്രവൃത്തി മോണിറ്റർ ചെയ്യുന്നത്. മഞ്ചേരി നിർമ്മാൺ കൺസ്ട്രക്ഷ നാണ്  പ്രവൃത്തി ഏറ്റെടുത്ത് നടത്തുന്നത്.

        കെട്ടിടത്തില്‍ ഷോപ്പിംഗ് മാൾ, ജ്വല്ലറികൾ, ഹൈപ്പർ മാർക്കറ്റ് ബ്രാൻഡഡ് ഫാഷൻ ഷോപ്പുകൾ, കോൺഫറൻസ് ഹാൾ,  മള്‍ട്ടി പ്ലക്സ് തിയ്യേറ്റര്‍, ഫുഡ് കോര്‍ട്ട്, കടലിലേക്ക് കാഴ്ചയുള്ള സീ വ്യൂ റൂഫ് ടോപ്പ്, ചിൽഡ്രൻ ഫൺ ഏരിയ  എന്നിവയ്ക്ക് ആവശ്യമായ സ്ഥല സൗകര്യങ്ങള്‍ ഒരുക്കിയിട്ടുണ്ട്. താഴത്തെ നിലയിൽ നൂറു കാറുകൾക്കും 300- ബൈക്കുകൾക്കും പാർക്ക് ചെയ്യാനുള്ള സൗകര്യമുണ്ട്. ഷോപ്പിംഗ് കോംപ്ലക്സ് കെട്ടിടത്തിന്‍റെ ഉദ്ഘാടനം 2025 സപ്തംബറിൽ  നടത്തുന്നതിനാണ് നഗരസഭ ഉദ്ദേശിക്കുന്നത്.  നഗരസഭയുടെ ഈ ഉദ്യമത്തിന് എല്ലാവരുടെയും പിന്തുണയും സഹകരണ വും ഉണ്ടാകണമെന്ന് നഗരസഭാധ്യക്ഷ സുധകിഴക്കെപ്പാട്ടും ഉപാധ്യക്ഷൻ കെ. സത്യൻ 

അഭ്യര്‍ത്ഥിച്ചു. ഷോപ്പിങ് കോംപ്ലക്സിന്റെ ലേലം മാർച്ച് 12, 13 തിയ്യതികളിൽ   ഷോപ്പിംഗ്‌ കോംപ്ലക്സ് പരിസരത്ത് നടക്കും.