റേഞ്ചില്ലെന്ന പരാതി വേണ്ട; ബിഎസ്എൻഎല്ലുമായി കൈകോർക്കാൻ ജിയോ, റീച്ചാർജ് പ്ലാനുകൾ ഇങ്ങനെ.

ന്യൂഡൽഹി: ജിയോ ഉപയോക്താക്കൾക്ക് ബി‌എസ്‌എൻ‌എൽ നെറ്റ്‌വർക്കുകൂടി ആക്‌സസ് ചെയ്യാൻ അനുവദിക്കുന്ന പുതിയ റീചാർജ് പ്ലാനുകൾ അവതരിച്ചു . പുതിയ പ്ലാൻ പ്രകാരം ജിയോ ഉപയോക്താക്കൾക്ക് ഇൻട്രാ-സർക്കിൾ റോമിംഗ് (ഐസിആർ) സജീവമാക്കും. ജിയോയ്ക്ക് കണക്റ്റിവിറ്റി കുറഞ്ഞതോ ഇല്ലാത്തതോ ആയ പ്രദേശങ്ങളിലെ ബി‌എസ്‌എൻ‌എല്ലിന്റെ നെറ്റ്‌വർക്കിലേക്ക് കണക്റ്റുചെയ്യാൻ സാധിക്കും. മധ്യപ്രദേശിലെയും ഛത്തീസ്ഗഡിലെയും ഉപയോക്താക്കൾക്കായാണ് ആദ്യ​ഘട്ടത്തിൽ ജിയോ ഈ റീചാർജ് പ്ലാനുകൾ ആരംഭിച്ചിട്ടുള്ളത്. നിലവിൽ രണ്ട് റീചാർജ് പ്ലാനുകളാണ് ഉള്ളത്, 196 രൂപയുടെയും 396 രൂപയുടെയും പ്ലാനുകളാണത്. രണ്ടും 28 ദിവസത്തെ വാലിഡിറ്റിയാണ് നൽകുന്നത്. ഈ പ്ലാനുകൾ ബി‌എസ്‌എൻ‌എൽ നെറ്റ്‌വർക്കിലെ ഉപയോഗത്തിന് മാത്രമുള്ളതാണ്. എയർടെൽ, വോഡഫോൺ ഐഡിയ തുടങ്ങിയ മറ്റ് നെറ്റ്‌വർക്കുകളിലെ ഉപയോക്താക്കൾക്ക് അവ ഉപയോഗിക്കാൻ കഴിയില്ല.

കടപ്പാട് : ഓൺലൈൻ.