അതിദരിദ്രവിഭാഗം വരുമാന പദ്ധതിയിലുൾപ്പെട്ട കുടുംബങ്ങൾക്കുള്ള ഉപജീവന ഉപാധികൾ വിതരണം ചെയ്ത് കൊയിലാണ്ടി നഗരസഭ.

 I

കൊയിലാണ്ടി :നഗരസഭ – കുടുംബശ്രീ ജില്ലാ മിഷൻ അതിഭരിദ്രവിഭാഗം വരുമാനദായക പദ്ധതിയിൽ ഉൾപ്പെട്ട കുടുംബങ്ങൾക്കുള്ള ഉപജീവന ഉപാധികൾ വിതരണം ചെയ്‌തു. ചടങ്ങ് നഗരസഭ ചെയർപേഴ്സൺ സുധ കിഴക്കേപാട്ട് ഉദ്ഘാടനം ചെയ്തു.

ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ. ഷിജു അധ്യക്ഷത വഹിച്ചു. മെമ്പർ സെക്രട്ടറി വി. രമിത പദ്ധതി വിശദീകരണം നടത്തി. സ്റ്റാൻ്റിങ് കമ്മറ്റി ചെയർപേഴ്സൺ കെ.എ. ഇന്ദിര, കൗൺസിലർമാരായ വൈശാഖ്,ബബിത എന്നിവർ ആശംസകൾ അർപ്പിച്ചുകൊണ്ട് സംസാരിച്ചു. സിഡിഎസ് ചെയർപേഴ്സൺ ഇന്ദുലേഖ എംപി സ്വാഗതവും സൗത്ത് സിഡിഎസ് ചെയർപേഴ്സൺ വിബിന കെ.കെ. നന്ദിയും പറഞ്ഞു.