ട്രാഫിക് നിയമ ലംഘനങ്ങള്‍ക്ക് ഇനി നിയന്ത്രിത പിഴചുമത്തല്‍: ക്യാമറ പിഴ ചുമത്തലിന് പുതിയ മാര്‍ഗനിര്‍ദ്ദേശംറോഡുകളില്‍ എഐ ക്യാമറകളുടെ സാന്നിധ്യം ശക്തമായതോടെ, ഗതാഗത നിയമ ലംഘകരെ പിടികൂടുന്നതില്‍ കാര്യമായ പുരോഗതിയുണ്ടായി.
എന്നാല്‍ എന്തൊക്കെയാണ് പിഴക്ക് വിധേയമായ കുറ്റങ്ങള്‍ എന്നറിയാതെ പലരും ആശയക്കുഴപ്പത്തിലാണ്. ഇത്തരം സാഹചര്യങ്ങള്‍ ഒഴിവാക്കാനാണ് ഗതാഗത കമ്മീഷണര്‍ പുതിയ കര്‍ശന മാര്‍ഗനിര്‍ദ്ദേശങ്ങള്‍ ഉദ്യോഗസ്ഥര്‍ക്ക് നല്‍കിയത്.ഇനിമുതല്‍ കേന്ദ്ര മോട്ടോര്‍ നിയമത്തില്‍ വ്യക്തമാക്കിയ 12 കുറ്റങ്ങള്‍ക്കെതിരെ മാത്രമേ ക്യാമറയുടെ സഹായത്തോടെ പിഴ ചുമത്താനാകൂ.
അമിതവേഗം, അനധികൃത പാര്‍ക്കിങ്, ഹെല്‍മെറ്റ് ധരിക്കാതിരിക്കുക, സീറ്റ് ബെല്‍റ്റ് ഉപയോഗിക്കാതിരിക്കുക, സിഗ്നല്‍ ലംഘനം, ട്രാഫിക് ലെയിന്‍ ലംഘനം, വാഹനത്തില്‍ അനധികൃത ഭാരം കയറ്റല്‍, ചരക്കു വാഹനങ്ങളില്‍ യാത്രക്കാരെ കൊണ്ടുപോകല്‍, നമ്പര്‍ പ്ലേറ്റ് ക്രമക്കേട്, വാഹനം ഓടിക്കുമ്പോള്‍ മൊബൈല്‍ ഫോണുപയോഗം, റോഡ് മാര്‍ക്കിങുകള്‍ അവഗണിക്കല്‍ തുടങ്ങിയവയാണ് ഇതില്‍ ഉള്‍പ്പെടുന്നത്.
അതേസമയം, വാഹന രേഖകള്‍ സംബന്ധിച്ച ലംഘനങ്ങള്‍ക്ക് (പോലെ രജിസ്‌ട്രേഷന്‍, ഫിറ്റ്‌നസ്, ഇന്‍ഷുറന്‍സ്, പൊള്യൂഷന്‍ സര്‍ട്ടിഫിക്കറ്റ്) മൊബൈല്‍ ക്യാമറ ഉപയോഗിച്ച് പിഴ ചുമത്തുന്നതിന് വിലക്ക് ഏര്‍പ്പെടുത്തി. ടൂറിസ്റ്റ് വാഹനങ്ങളില്‍ ഉപയോഗിക്കുന്ന ലഗേജ് കാരിയറുകള്‍ക്കായി ക്യാമറ പിഴ ചുമത്തരുതെന്നും മാര്‍ഗനിര്‍ദേശത്തില്‍ പറയുന്നു. എന്നാല്‍, വാഹന പരിശോധനയ്ക്കിടയില്‍ ഇത്തരം ലംഘനങ്ങള്‍ കണ്ടെത്തിയാല്‍ ശാസ്ത്രീയമായ ചെക്ക് റിപ്പോര്‍ട്ട് നല്‍കി നിയമനടപടികള്‍ സ്വീകരിക്കാം.പിഴ ചുമത്തലിനെ ചുറ്റിപ്പറ്റിയുള്ള കൃത്യതയും നിയമാനുസൃതതയും ഉറപ്പാക്കാൻ ആവിശ്യമായ നടപടികളാണിവയെന്ന് ഗതാഗത വകുപ്പ് വ്യക്തമാക്കുന്നു.
(ഓൺലൈൻ)
0 Comments