പാലക്കാട്: കോഴിക്കോട്- പാലക്കാട് റൂട്ടില്‍ റെയില്‍വേ പുതിയ ട്രെയിൻ സർവീസ് അനുവദിച്ചു. പാലക്കാട് റെയില്‍വേ ഡിവിഷൻ ശുപാർശ ദക്ഷിണ റെയില്‍വേ തത്വത്തില്‍ അംഗീകരിച്ചതായാണ് റിപ്പോർട്ടുകള്‍.പ്രത്യേക ട്രെയിൻ എന്ന നിലയിലായിരിക്കും തുടക്കത്തില്‍ സർവീസ്.
ശനിയാഴ്ച ഒഴികെയുള്ള ആറ് ദിവസം ട്രെയിൻ സർവീസ് നടത്തും. രാവിലെ 10 മണിക്ക് കോഴിക്കോട് നിന്നു ആരംഭിക്കുന്ന ട്രെയിൻ ഉച്ചയ്ക്ക് 1.05ന് പാലക്കാട്ടെത്തുന്ന രീതിയിലാണ് സമയക്രമം.
പാലക്കാട്ട് നിന്നു ഉച്ചയ്ക്ക് 1.50നു പുറപ്പെടുന്ന ട്രെയിൻ തിരികെ കണ്ണൂർ വരെ സർവീസ് നടത്തും. രാത്രി 7.40നു ട്രെയിൻ കണ്ണൂരെത്തും. ഷൊർണൂർ- കണ്ണൂർ ട്രെയിനാണ് പാലക്കാട്ടേക്ക് നീട്ടിയത്.
ഈ ട്രെയിൻ ശനിയാഴ്ചകളില്‍ ഷൊർണൂർ വരെ മാത്രമാകും സർവീസ്. ഈ മാസം 23 മുതല്‍ ട്രെയിൻ സർവീസ് ആരംഭിക്കും.
0 Comments