രക്തദാന ക്യാമ്പ് സംഘടിപ്പിച്ചു.

           കൊയിലാണ്ടി: സി. കെ. ജി. മെമ്മോറിയൽ ഹയർ സെക്കൻഡറി സ്കൂൾ നാഷണൽ സർവീസ് സ്കീമിന്റെ ആഭിമുഖ്യത്തിൽ എം വി ആര്‍ കാൻസർ സെന്ററുമായി സഹകരിച്ചുകൊണ്ട് ഒക്ടോബർ 25ബുധനാഴ്‌ച രക്തദാന ക്യാമ്പ് സംഘടിപ്പിച്ചു. കേരള പോലീസിന്റെയും  നാഷണൽ സർവീസ് സ്കീമിന്റെയും രക്തദാന പദ്ധതിയായ ജീവദ്യൂതി പോൾ ബ്ലഡിന്റെ ഭാഗമായിട്ടാണ്  ഈ പരിപാടി സംഘടിക്കപ്പെട്ടത്. . സ്കൂൾ പിടിഎ പ്രസിഡണ്ട് ലിനീഷ് തട്ടാരി രക്തദാനം നിർവഹിച്ചുകൊണ്ട് പരിപാടി ഉദ്ഘാടനം ചെയ്തു. പ്രിൻസിപ്പൽ ഇൻചാർജ് വിപിൻ കുമാർ പി. പി അധ്യക്ഷത വഹിച്ച ചടങ്ങിൽ  പ്രോഗ്രാം ഓഫീസർ അനിൽകുമാർ സി വി സ്വാഗതവും അരുൺ മാസ്റ്റർ. ദീപ കെ എന്നിവർ ആശംസകളും അർപ്പിച്ചു. രക്ഷിതാക്കൾ, അധ്യാപകർ, നാട്ടുകാർ, വിദ്യാർത്ഥികൾ തുടങ്ങിയവരെല്ലാം രക്തദാന ക്യാമ്പിന് പിന്തുണയുമായെത്തി. 95 പേർക്യാമ്പിൽ പങ്കെടുത്തു.സ്റ്റാഫ് അംഗങ്ങളും

 എൻഎസ്എസ് വളണ്ടിയർമാരും മുഴുവൻ സമയവും ക്യാമ്പിൽ സജീവമായിരുന്നു. വളണ്ടിയർ ലീഡർമാരായ  ഹാസിം ഫൈസൽ ഇ കെ , റിയ പ്രകാശ് കെ ,  എൻ എസ് എസ് വളണ്ടിയർമാർ പരിപാടിക്ക് നേതൃത്വം നൽകി.

==================