മാർക്കോയുടെ വ്യാജ പതിപ്പ് പ്രചരിപ്പിച്ച സംഭവം : ആലുവ സ്വദേശിയായ 21 കാരൻ കസ്റ്റഡിയിൽ.

കൊച്ചി: മാർക്കോയുടെ വ്യാജ പതിപ്പ് പ്രചരിപ്പിച്ച സംഭവം : ആലുവ സ്വദേശിയായ 21 കാരൻ കസ്റ്റഡിയിൽ.

ഉണ്ണിമുകുന്ദൻ നായകനായ മാർക്കോ എന്ന സിനിമയുടെ വ്യാജ പതിപ്പ് പുറത്തുവന്ന സംഭവത്തിൽ ഒരാൾ പിടിയിൽ. ആലുവ സ്വദേശിയായ യുവാവിനെയാണ് എറണാകുളം സൈബർ ക്രൈം പോലീസ് കസ്റ്റഡിയിൽ എടുത്തത്. ആലുവ സ്വദേശി ഹക്വിബ് ഹനാൻ എന്ന 21 വയസ്സുകാരനാണ് പിടിയിലായത്. ആലുവയിൽ നിന്നാണ് പ്രതിയെ പിടികൂടിയത്. ഇയാൾ ഇൻസ്റ്റാഗ്രാം വഴി സിനിമയുടെ ലിങ്ക് പ്രചരിപ്പിച്ചു എന്ന് പോലീസ് അറിയിച്ചു. ഇൻസ്റ്റഗ്രാമിൽ തനിക്ക് മെസ്സേജ് അയച്ചാൽ സിനിമയുടെ ലിങ്ക് അയച്ചു തരാം എന്നായിരുന്നു യുവാവിന്റെ പോസ്റ്റ്. സിനിമയുടെ വ്യാജ പതിപ്പ് പ്രചരിപ്പിക്കുന്നുവെന്ന് ചൂണ്ടിക്കാട്ടി നിർമ്മാതാക്കളാണ് പോലീസിൽ പരാതി നൽകിയത്.