എൽ.എസ്.എസ് ജേതാക്കളെയും കലാ-വൈജ്ഞാനിക മേളകളിലെ പ്രതിഭകളെയും ആദരിച്ചു.

കൊയിലാണ്ടി : കോതമംഗലം ഗവ: എൽ.പി സ്കൂളിൽ എൽഎസ്സ്എസ്സ് നേടിയ ബാലപ്രതിഭകളേയും കലാകായിക വൈജ്ഞാനികമേളകളിലെ ജേതാക്കളേയും അനുമോദിച്ചു. പരിപാടി പ്രശസ്ത സാഹിത്യക്കാരൻ യു.കെ.കുമാരൻ ഉദ്ഘാടനം ചെയ്തു. നവസാങ്കേതികതയുടെ ഇക്കാലത്ത് പുതിയ തലമുറ ഞെട്ടിക്കുന്ന വാർത്തകൾക്ക് കാരണക്കാരാകുന്നുവെന്നും വായന മാത്രമാണ് ഇതിനു പരിഹാരമെന്നും അദ്ദേഹം പറഞ്ഞു.

ചടങ്ങിൽ സ്കോളർഷിപ്പ് നേടിയ 36 വിദ്യാർഥികൾക്കും ഉപഹാരങ്ങൾ കൈമാറി. നഗരസഭാ വിദ്യാഭ്യാസ സ്ഥിരംസമിതി അധ്യക്ഷ നിജിലപറവക്കൊടി ചടങ്ങിൽ അധ്യക്ഷത വഹിച്ചു. യോഗത്തിൽ പിടിഎ പ്രസിഡണ്ട് സുരേഷ്ബാബു എ.കെ, എംപിടിഎ പ്രസിഡണ്ട് ദീപ്തി.എം, പിടിഎ വൈസ് പ്രസിഡന്റ് പ്രദീപ് സായിവേൽ, ദീപ്ന, മുൻ പിടിഎ പ്രസിഡന്റുമാരായ ബിജു പി.എം, അനിൽകുമാർ എം.കെ, സുചീന്ദ്രൻ.വി എന്നിവർ ആശംസകളറിയിച്ചു സംസാരിച്ചു. ഹെഡ്മാസ്റ്റർ പി.പ്രമോദ് സ്വാഗതവും റീന.ജി നന്ദിയും രേഖപ്പെടുത്തി.