കേരള ഗവർണറായി രാജേന്ദ്ര അർലേക്കർ സത്യപ്രതിജ്ഞ ചെയ്തു.

 തിരുവനന്തപുരം: രാജേന്ദ്ര വിശ്വനാഥ അർലേക്കർ കേരള ഗവർണറായി സത്യപ്രതിജ്ഞ ചെയ്തു. രാവിലെ പത്തരയ്ക്ക് രാജ്ഭവനിൽ  സംഘടിപ്പിച്ച ലളിതമായ ചടങ്ങിൽ ഹൈക്കോടതി ചീഫ് ജസ്റ്റിസ് നിതിൻ മധുകർ ജാംമ്ദാര്‍ സത്യവാചകം ചൊല്ലിക്കൊടുത്തു.

 മുഖ്യമന്ത്രി പിണറായി വിജയൻ, പ്രതിപക്ഷ നേതാവ് വി ഡി സതീശൻ, മന്ത്രിമാരായ വി. ശിവൻകുട്ടി, കെഎൻ ബാലഗോപാൽ, പി രാജീവ് എന്നിവരും ശശി തരൂർ ഉൾപ്പെടെയുള്ള ജനപ്രതിനിധികളും, ചീഫ് സെക്രട്ടറി, ഡിജിപി, കര- നാവിക-വ്യോമസേന പ്രതിനിധികളും  ചടങ്ങിൽ പങ്കെടുത്തു. . മുൻ ഗോവ നിയമസഭാ സ്പീക്കറായിരുന്നു അർലേക്കർ . പിന്നീട് ഗോവ വനം പരിസ്ഥിതി മന്ത്രിയുമായിരുന്നു അദ്ദേഹം. 2021ൽ ഹിമാചൽ ഗവർണറും തുടർന്ന് ബീഹാർ ഗവർണറുമായി.