ഇന്ന് റമളാൻ ഒന്ന്. വിശ്വാസികൾക്ക് ഇനി ത്യാഗപൂര്‍ണമായ നോമ്പിന്റയും പ്രാര്‍ത്ഥനയുടെയും നാളുകൾ.

ഇന്നലെ ചെട്ടിപ്പടിയിൽ മാസപ്പിറവി കണ്ടതിന്റെ അടിസ്ഥാനത്തില്‍ ഇന്ന് റമളാന്‍ ഒന്ന്. ഖാസിമാരായ സമസ്ത കേരള ജംഇയ്യത്തുല്‍ ഉലമാ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, പാണക്കാട് സയ്യിദ് സാദിഖലി ശിഹാബ് തങ്ങള്‍, സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, കോഴിക്കോട് ഖാസിമാരായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി, സയ്യിദ് നാസര്‍ ഹയ്യ് ശിഹാബ് തങ്ങള്‍ പാണക്കാട് എന്നിവരാണ് റമളാൻ മാസാരംഭ വിവരം വിശ്വാസികളെ അറിയിച്ചത്.

ഇനി ഒരു മാസം ത്യാഗപൂര്‍ണമായ നോമ്പും പ്രാര്‍ത്ഥനയുമായി വിശ്വാസികൾ.