അങ്കണവാടി കലോത്സവം കുട്ടികളുടെ ഉത്സവമായി.

കൊയിലാണ്ടി: കൊയിലാണ്ടി നഗരസഭ വാർഷിക പദ്ധതി 2024 -2025 അങ്കണവാടി കലോത്സവം “അക്കുത്തിക്കുത്ത്” കൊയിലാണ്ടി ടൗൺ ഹാളിൽ  വെച്ച് നടത്തി. നഗരസഭ ചെയർപേഴ്സൺ സുധ കിഴക്കെപാട്ട് ഉദ്ഘാടനം നിർവഹിച്ചു. ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ.ഷിജു അധ്യക്ഷത വഹിച്ചു. വൈസ് ചെയർമാൻ അഡ്വ കെ.സത്യൻ മുഖ്യാതിഥിയായി. ഐ സി ഡി എസ് സൂപ്പർവൈസർ ഷെബില കെ പദ്ധതി വിശദീകരണം നടത്തി. സ്റ്റാൻഡിങ് കമ്മറ്റി ചെയർമാൻ മാരായ ഇ.കെ. അജിത്ത്,കെ.എ.ഇന്ദിര നഗരസഭ സെക്രട്ടറി ഇന്ദു എസ് ശങ്കരി, സി ഡി പി ഒ അനുരാധ, നഗരസഭ കൗൺസിലർമാരായ വി. പി. ഇബ്രാഹിം കുട്ടി, രത്നവല്ലി ടീച്ചർ എന്നിവർ സംസാരിച്ചു. ഐ സി ഡി എസ് സൂപ്പർവൈസർ മോനിഷ നന്ദി രേഖപെടുത്തി. നഗരസഭയിലെ 71 അങ്കണവാടികളിലെ 630 തോളം കുട്ടികൾ വിവിധ കലാപരിപാടികൾ അവതരിപ്പിച്ചു. പരിപാടിയിൽ പങ്കെടുത്ത എല്ലാ കുട്ടികൾക്കും സമ്മാന വിതരണവും നടത്തി.