വിളയാട്ടൂർ ജി എൽ പി സ്കൂൾ ലൈബ്രറിക്ക് 10000രൂപയുടെ പുസ്തകങ്ങൾ നൽകി.

കൊയിലാണ്ടി: വിളയാട്ടൂർ ജി.എൽ.പി സ്കൂൾ ലൈബ്രറിക്ക് 10000 രൂപയുടെ പുസ്തകങ്ങൾ നൽകി. ആവട്ടാട്ട് ബാലൻ മാസ്റ്റർ സ്മാരക എൻഡോവ്മെന്റ് വിളയാട്ടൂർ ജി.എൽ.പി സ്കൂളിന് സമർപ്പിച്ചു. മേപ്പയ്യൂർ ഗ്രാമപഞ്ചായത്ത് പ്രസിഡണ്ട് കെ.ടി. രാജൻ ഉദ്ഘാടനം ചെയ്തു. പി ടി എ പ്രസിഡണ്ട് എൻ.സി. ബിജു അധ്യക്ഷത വഹിച്ചു.

10000 രൂപയുടെ പുസ്തകങ്ങൾ മേപ്പയൂർ പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ഭാസ്കരൻ കൊഴുക്കല്ലൂരിൽ നിന്ന് സ്കൂൾ എച്ച്.എം ജെയിൻ റോസ് ഏറ്റുവാങ്ങി. പി.കെ. പ്രിയേഷ് കുമാർ, സി.പി.നാരായണൻ, സത്യൻ വിളയാട്ടൂർ, എ. സുഭാഷ് കുമാർ, ആർ.കെ.രാജീവ്, എൻ.എം. ദിലിത്ത് എന്നിവർ സംസാരിച്ചു.