മന്ത്രിമാരുടെ നേതൃത്വത്തിൽ നടന്നുവരുന്ന താലൂക്ക് തല അദാലത്ത് നാളെ കൊയിലാണ്ടിയിൽ.

 താലൂക്ക് തലത്തിൽ പൊതുജനങ്ങളുടെ പരാതികൾ പരിഹരിക്കുന്നതിനായി മന്ത്രിമാരുടെ നേതൃത്വത്തിൽ സംഘടിപ്പിക്കുന്ന താലൂക്ക് തല അദാലത്തുകളുടെ ഭാഗമായി നാളെ രാവിലെ 10 മണിക്ക് പി എ മുഹമ്മദ് റിയാസ്,എ കെ ശശീന്ദ്രനും നേതൃത്വം നൽകുന്ന താലൂക്ക് തല അദാലത്ത്  കൊയിലാണ്ടി ടൗൺഹാളിൽ നടക്കും.

 പരിഗണിക്കപ്പെടുന്ന വിഷയങ്ങൾ:-  സർട്ടിഫിക്കറ്റുകൾ, ലൈസൻസുകൾ നൽകുന്നതിലെ കാലതാമസം / നിരസിക്കൽ, കെട്ടിട നിർമ്മാണ ചട്ടങ്ങളുമായി ബന്ധപ്പെട്ടവ, വയോജന സംരക്ഷണം, പട്ടികജാതി പട്ടികവർഗ്ഗ വിഭാഗങ്ങൾക്കുള്ള ആനുകൂല്യങ്ങൾ, മത്സ്യബന്ധന തൊഴിലാളികളുമായി ബന്ധപ്പെട്ട,  ശാരീരിക/ ബുദ്ധി/ മാനസിക വെല്ലുവിളി നേരിടുന്നവരുടെ പുനരധിവാസം, ധനസഹായം, പെൻഷൻ ബന്ധപ്പെട്ട മറ്റ് ആവശ്യങ്ങൾ,  പരിസ്ഥിതി മലിനീകരണം/ മാലിന്യ സംസ്കരണം, പൊതുജന സ്രോതസ്സുകളുടെ സംരക്ഷണവും കുടിവെള്ളവും, റേഷൻ കാർഡ് തരം മാറ്റൽ, കാർഷിക വിളകളുടെ സംഭരണം വിതരണം, വിള ഇൻഷുറൻസ്, കാർഷിക മേഖലയിലെ മറ്റു വിഷയങ്ങൾ, വളർത്തുമൃഗങ്ങൾക്കുള്ള നഷ്ടപരിഹാരം /സഹായം, ഭക്ഷ്യ സുരക്ഷയുമായി ബന്ധപ്പെട്ടവ, വ്യവസായ സംരംഭങ്ങൾക്കുള്ള അനുമതി, ആരോഗ്യ മേഖലയിലെ സ്ഥാപനങ്ങളുമായി ബന്ധപ്പെട്ട വിഷയങ്ങൾ, വന്യജീവി ആക്രമണങ്ങളിൽ നിന്നുള്ള സംരക്ഷണം,/നഷ്ടപരിഹാരം, വിവിധ സ്കോളർഷിപ്പുകൾ പരാതികൾ/അപേക്ഷകൾ,തണ്ണീർത്തട സംരക്ഷണം, അപകടകരങ്ങളായ മരങ്ങൾ മുറിച്ചു മാറ്റൽ,  ദുരിതബാധിതരുടെ വിഷയങ്ങൾ, പ്രകൃതിദുരന്തങ്ങൾക്കുള്ള നഷ്ടപരിഹാരം എന്നിവ പരിഗണിക്കപ്പെടും.