ഹൈസ്കൂൾ വിഭാഗം ചെണ്ടമേളത്തിൽ കുത്തക നിലനിർത്തി ജി. വി.എച്ച്. എസ്. എസ്. കൊയിലാണ്ടി.

 കൊയിലാണ്ടി: സംസ്ഥാന സ്കൂൾ കലോത്സവത്തിൽ ഹൈസ്കൂൾ വിഭാഗം ചെണ്ടമേളത്തിൽ കൊയിലാണ്ടി ജി.വി. എച്ച്.എസ്.എസ് വർഷങ്ങളായി തുടരുന്ന കുത്തക നിലനിർത്തി. പഞ്ചാരിയിൽ കൊട്ടിക്കയറി ചെണ്ടമേളത്തിൽ വിജയം കൊയ്തു ജി. വി. എച്ച്. എസ്. എസ് വാദ്യമേളക്കാർ.

 കൊരയങ്ങാട് വാദ്യസംഘത്തിന്റെ കീഴിൽ കളിപ്പുരയിൽ രവീന്ദ്രന്റെ നേതൃത്വത്തിൽ ആണ് ആറുമാസം മുമ്പേ കുട്ടികളെ ചെണ്ട മേളത്തിനായി ഒരുക്കുന്നത്. യാതൊരു പ്രതിഫലവും വാങ്ങാതെയാണ് രവീന്ദ്രൻ കുട്ടികൾക്ക്  പരിശീലനം നൽകുന്നത്. കുരയങ്ങാട് വാദ്യ സംഘത്തിലെ എ കെ അക്ഷയന്റെ നേതൃത്വത്തിൽ സൂര്യജിത്ത്, അദ്വൈത്, പി വി ആര്യൻ, കെ ആർ ജനിൽ, ആദിത്, തേജസ് തുടങ്ങിയവരാണ് മേളം കൊട്ടിയത്.