പത്തനംതിട്ട: മകരവിളക്ക് ഉത്സവത്തിന് മുന്നോടിയായി നാളെ രാവിലെ 7 മുതൽ നിലയ്ക്കലിൽ ഗതാഗത നിയന്ത്രണം. രാവിലെ 10 മുതൽ പമ്പയിലേക്ക് വാഹനം വിടില്ല. 12ന് ശേഷം സന്നിധാനത്ത് തീർത്ഥാടകരെ പ്രവേശിപ്പിക്കില്ല. മകര വിളക്കിന്ശേഷം പുല്ലുമേട്ടിൽ നിന്ന് സന്നിധാനത്തേക്ക് തീർത്ഥാടകരെ അനുവദിക്കില്ല.
ശബരിമല സന്നിധാനത്ത് ഇന്ന് ബിംബശുദ്ധി ക്രിയകൾ നടക്കും. നാളെ രാവിലെ 8:50 മുതൽ 9:30 വരെയാണ് മകരസംക്രമ പൂജ. സൂര്യൻ ധനുരാശിയിൽ നിന്ന് മകരം രാശിയിലേക്ക് മാറുന്ന സമയം കവടിയാർ കൊട്ടാരത്തിൽ നിന്നാണ് അഭിഷേകത്തിനുള്ള നെയ്യ് എത്തിക്കുന്നത്.
കല്ലറ കാവടി സംഘം ഇന്ന് കാവടികളുമായി സന്നിധാനത്ത് എത്തും. തിരുവാഭരണ ഘോഷയാത്ര പുലർച്ചെ അയിരൂർ പുതിയകാവ് ക്ഷേത്രത്തിൽ നിന്ന് രണ്ടാം ദിവസത്തെ യാത്ര തുടങ്ങും. നാളെ വൈകിട്ട് ഘോഷയാത്ര സന്നിധാനത്തിൽ എത്തും.
0 Comments