റെഡ്ക്രോസ് അവാർഡ് സമർപ്പിച്ചു.

കൊയിലാണ്ടി: ഇന്ത്യൻ റെഡ് ക്രോസ് സൊസൈറ്റി  ജില്ലയിലെ മികച്ച ദുരന്ത രക്ഷാപ്രവർത്തകനായി തിരഞ്ഞെടുത്ത ഷംസുദ്ദീൻ ഏകരൂലിന്  എ.ടി. അഷറഫ് സ്മാരക റെഡ്ക്രോസ് അവാർഡ്  കാനത്തിൽ ജമീല എം.എൽ.എ. സമ്മാനിച്ചു. തഹസിൽദാർ ജയശ്രി എസ്. വാര്യർ അധ്യക്ഷയായി. 

           റെഡ് ക്രോസ് ജില്ലാ ചെയർമാൻ സത്യനാഥൻ മാടഞ്ചേരി എ.ടി. അഷറഫ് അനുസ്മരണവും ജൂറി ചെയർമാൻ എം.ജി. ബൽരാജ് അവാർഡ് പ്രഖ്യാപനവും നടത്തി. കൊയിലാണ്ടി നഗരസഭാ സ്ഥിരംസമിതി അധ്യക്ഷ സി. പ്രജില വയനാട് മുണ്ടക്കൈ ചൂരൽമല ദുരന്തത്തിൽ രക്ഷാപ്രവർത്തനം നടത്തിയ റെഡ്ക്രോസ്, യൂത്ത് റെഡ്ക്രോസ് വളണ്ടിയർമാരെ ആദരിച്ചു. ജില്ലാ സെക്രട്ടറി കെ.കെ. ദീപു, ആർ.സി. ബിജിത്ത്, കെ.കെ. ഫാറൂഖ്, അമീർ അലി, പി.എം. അനിൽകുമാർ, കെ.കെ. രാജൻ  സി.ബാലൻ  എന്നിവർ സംസാരിച്ചു.